Në fjalën e mbajtur në samitin Ballkani Perëndimor-BE kryeministri Rama theksoi se duhen përmbushur disa kushte nëse duam të marrim fonde shtesë nga Plani i Rritjes së BE.
Kreu i qeverisë theksoi se Shqipëria ka nevojë për një plan të ri reformash, ndërsa shtoi se pavarësisht përparimeve në sistemin e drejtësisë ka ende shumë për të bërë.
Ndër të tjera, Rama theksoi se ambicja e vendit tonë është që në muaj qershor të jetë gati për aplikimin për t’u bërë pjesë e zonës së përbashkët të pagesave euro.
“Duhet të ofrojmë rezultate të prekshme. Ka disa kushte që duhen përmbushur nëse duam të marrim fonde shtesë nga Plani i Rritjes. Në Tiranë kemi nevojë për një plan të ri reformash. Përfshirja e aktorëve të tjerë, kritike për të përmbushur synimet e procesit. Kemi bërë përparime për sistemin e drejtësisë, por mbetet shumë për tu bërë që të jemi në nivelin e BE. Komisionieri do e shtjellojë më tej atë që për vendet tona janë në planin e ri të rritjes e ç’duhet të bëjmë që ti marrim. Shqipëria është gati për këtë ushtrim sfidues. Do punojmë me të tjerët për lehtësuar rrugën. Nëse përmbushim kriteret për zonën europiane të pagesave do ulim me 6 herë tarifat e shqiptareve jashtë për të dërguar paratë në familje. Ambicia jonë si Shqiperi është të jemi gati në qershor për aplikimin. Synojmë të ulim me 3 orë kohën e pritjes së kamionëve në dogana!”-tha Rama.
