Një nga njerëzit më të fuqishëm të globit, Bill Gates, u shpreh se bota po përballet aktualisht me një problem shumë më të madh sesa koronavirusi.
Sipas bashkëthemeluesit të Microsoft, ky problem është ndryshimi klimatik dhe për të nuk ka vaksinë.
“Nuk ka një vaksinë për ta zgjidhur ndryshimin klimatik, është problem shumë më i rëndë”, tha Gates për “Bloomberg”.
Sipas tij, problemi mjedisor do të jetë shumë më i madh sesa problemet që ka shkaktuar këtë periudhë Covid-19.
“Shumica e ekonomisë së botës (transport, industri, ndërtim, elektricitet dhe agrikulturë) është burim emetimesh të dëmshme. Për shumë prej tyre nuk ka asnjë zgjidhje”, shtoi Gates me nota pesimiste./Opinion.al
