Kandidatja për kreun e PD, Edith Harxhi shprehet se Lulzim Basha ka shanse të vogla për të rimarrë drejtimin e kësaj force politike. Harxhi, e cila është anëtare e grupit “Për PD”, tha se ky grupim do të vijojë edhe pas 13 qershorit.
Kandidatja për kreun e PD në një interviste për “Abc News” shpjegoi shtyllat në të cilat është ndarë platforma e saj për të drejtuar partinë.
Referuar mënyrës se si Basha ka drejtuar PD, Harxhi shprehet se asnjë projekt që është nisur prej tij nuk është çuar deri në fund. Sa i përket figurave të njohura që janë larguar nga Partia Demokratike, nën drejtimin e Harxhit ato do të kenë një ftesë për t’iu ribashkuar partisë.
“Fraksion nuk ka në PD. Megjithatë grupimi do të vijojë njësoj si sot, nëse do të fitojë Basha. Por unë besoj që i ka shanset e vogla. Ne këtë projekt që e kemi nisur tani, është një projekt që do të vijojë. Ne do vazhdojmë siç kemi nisur. Kjo nuk është betejë që mbaron me 13 qershor. Platforma ime për PD, është e ndarë në tre shtylla. Ajo ideologjike, nuk është bërë mjaftueshëm për të persekutuarit. Duhet që çdo zyrtar i PD të kalojë në filtrin e instucionit të dosjeve të sigurimit të shtetit. Duhet bërë dëmshpërblim i plotë i krimeve të komunizmit. Çështja e pronarëve të ligjshëm, të trajtohet urgjentisht nga PD. Çdo regjim, janë sjellë shumë rëndë me pronarët e ligjshëm. Afrimi i shtresës së mesme, intelektualëve, akademikëve. Trajtimi i rinisë. Duhet t’u përqasemi në një mënyrë krejt tjetër. Hapja e partisë. PD duhet të hapet urgjentisht, të bashkojë gjitha vlerat e të gjitha kohërave. U bëj thirrje atyre që u larguan ose i kanë larguar, nuk mund ta bashkojë Basha, se u mbylli derën. Qëkur të ndryshojë vizioni në PD, Rama është gjysmë i mundur. Ne do të kemi departamente dhe zyra që do të punojnë ditë e natë për çdo projektligj që shkon në parlament, për të pasur një alternativ.”-tha Harxhi./Opinion.al
