Gara për kreun e PD-së/ Selami kërkoi shtyrje të zgjedhjeve, ja vendimi më i fundit ….

Duket se nuk do të ketë shtyrje të datës për mbajtjen e zgjedhjeve brenda Partisë Demokratike. Kjo është konfirmuar nga dy prej organizatorëve që po merren me zgjedhjen brenda Partisë Demokratike, Edi Paloka dhe Edmond Spaho, të cilën kanë dalë në një deklratë për shtyp ku janë shprehur se sot do të mblidhet kryesia e PDSH-së e cila do të miratojë kandidaturat për kreun e ardhshëm të PD-së. “Gara për kryetar do të jetë e bazuar në statusin e PD-së. Nuk plotësojmë kushte që janë kundër statutit. Kryesia do të miratojë kandidaturat për kryetar. Ndërkohë që zgjedhjet do të mbahen më datë 22 korrik”, janë shprehur Spaho dhe Paloka. Mbajtja e zgjedhjeve në këtë datë zbeh edhe kërkesën e Eduard Selamit drejtuar Bashës për shtyrje të zgjedhjeve në muajin shtator, ndërkohë që nuk duket se në këtë garë do të marrë pjesë Astrit Patozi i cili është shprehur më herët se nuk janë plotësuar kushtet e vendosura për garim të rregullt.