Skuadrën e ka kritikuar gjatë një takimi me dyer të mbyllura dhe nuk ka ndërmend ta bëj publikisht këtë gjë, siç ndodh me rastin e Mario Balotelli, ku drejtuesi i AC Milan, Adriano Galliani, që nuk ishte në gjendje të jepte arsyen e uljengritjeve sezonale të kuqezinjve, provoi të stimulonte të gjithë futbollistët dhe në veçanti sulmuesin e huazuar nga Liverpool.
“Mario ka shumë dëshirë të qëndrojë te Milan, por duhet të na e tregojë në fushën e lojës. Nëse ai do të vazhdoj të bëj atë që ka bërë deri tani, nuk meriton të vazhdojë me ne. I thashë se i takon atij të na bindë se është i aftë për të qenë qendërsulmuesi i Milan. Uroj që ta bëjë, sepse i dua të mirën. Por për momentin nuk e meriton…” – tha Galliani.
Galliani foli për bisedën e pasur me ekipin ditën e hënë: “Analizova bashkë me ta disa të dhëna, sepse unë si futbollist kam qenë i dobë dhe kësisoj më duhet të bëj punën time si drejtues. Kemi fituar ndaj Fiorentina dhe Inter dhe kemi barazuar ndaj Roma dhe Napoli, në
përballjet me skuadrat që janë sipër nesh në renditje, ndërsa kemi lënë shumë pikë me ekipet poshtë vetes.
Në pesë ndeshjet që kemi bërë pas pushimeve për shkak të ndeshjeve ndërkombëtare kemi marrë vetëm 1 pikë. Po të kisha idetë e qarta vetë nuk do t’i kisha kursyer fjalët e ashpra, por edhe unë kam nevojë të kuptoj.”
Në lidhje me të ardhmen e trajnerit Sinisa Mihajlovic, Galliani tha: “Mihajlovic ka dy vite kontratë dhe po të mos kishim pasur besim tek ai nuk do ta kishim marrë. Skuadra është me të. Pas 30 vitesh në këtë profesionin e kuptoj kur një ekip ndjek trajnerin dhe kurrë jo, por si të gjithë të tjerët edhe ai është i detyruar të marrë pikë.”
