Gala Aliaj, e bija e Robert Aliajt, u shpall fituese e The Voice Kids në Belgjikë. Në finalen e madhe, Gala performoi “Goodbye Yellow Brick Road” nga Elton John dhe “Make You Feel My Love” nga Adele.
Në një nga performancat, teksa këndonte, kamera fokusoi një detaj në dorën e Galës, unazën e zezë me shqiponjën dykrenare.
“Kjo është e pamundur. Nuk mund ta besoj. Faleminderit të gjithëve,” shkroi adoleshentja në Instagram.
Gala tërhoqi vëmendjen e jurisë që në fazën e parë të audicioneve të fshehura, ku performoi “Don’t Know Why” të Norah Jones.
Ajo merret prej kohësh me muzikë, dhe së fundmi, publikoi këngën e saj të parë, “Contagious”. Përpos muzikës, ajo ka pasion edhe modelingun./Opinion.al
