Dy shqiptarë u arrestuan për spiunazh mbrëmjen e së dielës në Greqi, pasi u kapën brenda bazës detare Salamis, që ndodhet në pjesën verilindore të ishullit Salamina, rreth 16 kilometra në perëndim të Athinës.
Të dyshuarit, të moshës 67 dhe 63 vjeç, u vunë re nga efektivët e marinës të cilët iu afruan dhe i ndaluan, thanë burimet për kathimerini.gr. Të njëjtat burime thanë se dy burrat ishin të dehur.
Oficerët i dërguan në policinë e Salaminës, ndërsa bëhet me dije se dy shqiptarët po përballen me akuzat për spiunazh dhe shkelje e sigurisë së një baze të fortifikuar.
Baza Detare e Salamis është baza më e madhe detare e Marinës Helene./Opinion.al
