Nuk ka qenë fundjavë aspak e qetë ajo e yllit të Tottenham, Yves Bissouma, i cili ka rënë pre e grabitësve sapo mbërriti në një hotel luksoz në Kanë të Francës.
Mesfushori i nga Mali ndodhej së bashku me bashkëshorten kur u sulmua nga dy burra me kapuç, sapo doli nga makina e tij jashtë hotelit “Majestic Barriere” rreth orës 4 të mëngjesit të së dielës.
Në drejtim të yllit të Spurs u hodh gaz lotsjellës dhe 27-vjeçari ka tentuar të strehohet brenda hotelit, por dyert e godinës ishin të mbyllura.
Pas sulmit, grabitësit kanë arritur të largohen nga vendngjarja me orën e Bissouma që vlen 260,000 £.
Policia franceze ka hapur një hetim për ngjarjen pasi incidenti ndodhi në Promenade de la Croisette, një nga rrugët më të ngarkuara me turistë elitarë në Kanë.
Incidenti tronditës është goditja e dytë e rëndë e këtij viti për mesfushorin nga Mali, i cili u infektua nga malaria teksa shkoi të përfaqësonte kombin e tij në Kupën e Kombeve.
