Ndryshime të mëdha në Policinë e Shtetit. Janë lëvizur shefat e komisariateve në Tiranë, në rrethe, por në listë janë edhe zv/drejtorë të përgjithshëm të Policisë së Shtetit.
Gazeta ‘Shqip’ shkruan se janë 17 shefa policie që do të lëvizin.
Alket Shatro është komanduar shef i Komisariatit Nr.4, ndërsa Fatmir Lleshi që drejtonte këtë komisariat është transferuar në Berat.
Afrim Tafa që ishte drejtor në Berat, është transferuar në policinë kufitare të Kukësit.
Ndryshimet pritet që të ketë edhe në pikat e tjera kufitare. Lëvizjet dhe transferimet në rang shefash dhe zv/drejtor të përgjithshëm pritet të zgjasin deri në fillim të gushtit.
