Dhe çuditë nuk kanë të sosur në grabitjen e djeshme në Rinas. Sikur të mos mjaftonin grabitësit që ishin vetëm 3 të tillë, sikur të mjaftonte fakti që hynë me maska në aeroport, sikur të mos mjaftonte po kështu faktin që sharruan aeroportin dhe futën brenda në pistë një benz me xhama të zinj në sytë e kamerave dhe dhjetra survejuesve civilë dhe të forcave të rendit, një tjetër fakt që të habit pa masë është si ka mundësi që fugoni që transporton 3 milion euro mban të shkruash mu në bash të automjetit mbishkrimin: “Transport vlerash monetare”.
Dhe me këtë mbishkrim kush e di sa herë e ka dalë në rrugët e Tiranës dhe në Rinas. Si është e mundur që një kompani security të jetë kaq naïve në një lëvizje të tillë transferte parash? Apo mos kanë pretenduar që ata që do ti grabisnin nuk do kenë parë ndonjëherë në jetën e tyre qoftë edhe një film të vetëm me grabitje. E vetmja gjë që kompania e Security “Nazeri 2000” ka harruar të vendosë në faqet e jashtme apo në xhamin e parë të furgonit ka qenë shifra e parave që ndodheshin në brendësi të automjetit të blinduar, se çdo gjë tjetër bën muuu sipas një shprehje shqiptare….
