Një tragjedi është raportuar nga mediat e huaja në brigjet e ujërave greke. Mësohet se si pasojë e fundosjes së një gomoneje me emigrant, kanë humbur jetën 3 vajza të mitura të moshës 4 vjeçe, 7 vjeçe dhe 10 vjeçe.
Mediat greke shkruajnë se autoritetet kanë arritur të shpëtojnë 16 persona të tjerë, tetë prej të cilëve ishin fëmijë, më i vogli prej tyre 30 ditësh.
Operacioni i shpëtimit filloi kur tre emigrantë afganë mbërritën në qytetin e Kios në mëngjes dhe informuan autoritetet për njerëzit e mbetur të bllokuar në bregun shkëmbor të Kardamylos.
Në vendngjarje tentuan të mbërrijnë forcat e Autoritetit Portual të Kios dhe të Stacionit Portual të Kardamylos, ndërsa kërkimi u krye edhe nga deti me tre skaf dhe një helikopter të Rojës Bregdetare.
