Fundi i botës po vjen dhe ka një hapësirë të kufizuar në një anije kozmike, kështu kë do të linit prapa?
Një shkrimtare me aftësi të kufizuar, atletin homoseksual apo studentin mysliman? Një detyrë për shkollat e mesme në Ohajo po shkakton debate.
Nxënësit në Shkollën e Mesme Roberts në Cuyahoga Falls të Ohajos u përballën me një dilemë morale javën e kaluar. Si pjesë e një detyre, atyre iu kërkua të zgjedhin tetë vetë nga një listë prej 12 personash për të hipur në një anije kozmike për t’i shpëtuar fundit të botës – duke lënë katër pas.
Zgjedhjet e tyre përfshin një kontabilist me një problem abuzimi me substancat, një student militant mysliman me ngjyrë, një prifti homofobik hispanik, një djalë 12 vjeçar arab dhe jetim dhe një menaxhere femëror amerikane, e cila nuk flet anglisht mes të tjerash.
Fëmijëve iu kërkua të shpjegonin zgjedhjet e tyre dhe të elaboronin pse katër prej grupeve u lanë në tokë. Më pas, e gjithë klasa do të bashkohej, do të krahasojë përgjigjet dhe do të arrijë konsensus mbi tetë udhëtarët e fundit.
Megjithatë, prindërit ishin të zemëruar.
“Projekt i papërshtatshëm për fëmijët e vegjël”, shkroi në faqen e tij në Facebook, këshilltari lokal Adam Miller. “Kjo nuk ndërton një ‘kulturë të kujdesit’ – kjo ndërton një kulturë të armiqësisë dhe antagonizmit! Pse fëmijët nuk mund të jenë fëmijë? Keqardhje për të parë këtë indoktrinim të pahijshëm të detyruar mbi fëmijët tanë”.
Milleri kontaktoi mësuesin i cili dha detyrën dhe tha se mësuesi kishte kuptimin e duhur dhe donte të provokonte diskutim, por do ta largonte atë nga mësimet e ardhshme. Mbikëqyrësi i shkollës takon mësuesin të hënën për të diskutuar më tej incidentin.
Interesante, nuk ka pasur ankesa nga vetë fëmijët. I gjithë zemërimi erdhi nga prindërit e tyre të ofenduar.
Një variant në dilemën klasike të “varkës së shpëtimit”, është një mjet mësimor i përdorur zakonisht në shkollat e mesme dhe në departamentet e shkencave sociale në mbarë botën.
Nuk ka përgjigje të sakta, dhe pika e mësimit është vetëm të ilustrojë vështirësinë e arritjes së një konsensusi mbi çështje të vështira etike.
Burimi: OraNews
