Një shqiptar është vënë në prangat e policisë spanjolle për llogari të autoriteteve gjermane. Ndaj tij ishte lëshuar urdhër arresti ndërkombëtar për krime të ndryshme që mund ta dënojnë deri në 15 vite burg.
Sipas hetimeve, shqiptari, identiteti i të cilit nuk dihet ka banuar në komuna të ndryshme të Valencias me partneren dhe vajzën e tij, duke dalë shumë rrallë.
Për shkak të rrezikshmërisë së të pandehurit, morën pjesë Grupet Operacionale të Sigurisë së Posaçme, të cilat realizuan një operacion për të kryer një arrestim të sigurt dhe të shpejtë. Ndaj tij po kryhen procedurat për ekstradim në Gjermani.
