Komitetit Ekzekutiv i FSHF ka mbajtur sot mbledhjen e radhës në të cilën i ka hapur rrugë krijimit të dy kampionateve të reja për moshat.
Federata e Futbollit njofton se në mbledhjen e sotme u vendos për fillimin nga sezoni 2020-2021 i kampionateve kombëtare U-13 dhe U-21. Këto kampionate i shtohen listës së kampionateve për moshat e reja U-17 dhe U-19.
Një tjetër risi që është diskutuar nga FSHF është krijimi i kampionatit kombëtar, Futbolli 5×5, i cili konsiston në skuadra me nga pesë lojtarë secila. Për të ndjekur këtë synim në Federatë është krijuar një strukturë e posaçme.
Në mbledhjen e sotme janë miratuar ristrukturimet në organigramën e FSHF dhe strategjia e Futbollit të femrave si edhe strategjia 2020-2025 e FSHF. /Opinion.al
