Kishte fshehur kokainë në çantën e të fejuarës, arrestohet italiani. Burime nga policia e Durrësit bënë me dije se Alessio Leggiadro, 37 vjeç, u kap në në lagjen Nr. 1, të qytetit bregdetar, gjatë kontrollit të ushtruar në automjetin tip ‘Audi’ me targa AA 625 MT, me drejtues shtetasin D.T. 20 vjeç, dhe pasagjere, e fejuara e tij, shtetësia A.T., 32 vjeçe, banuese në Kavajë.
Në çantën e dorës së 32-vjeçares u sekuestrua në cilësinë e provës materiale një sasi kokaine. Fill pas kësaj, shtetasi italian deklaroi se drogën e kishte futur ai në çantën e të fejuarës. Ndërkohë, në vijim të zbatimit të planit të masave, filloi procedimi penal në gjendje të lirë në ngarkim të 24-vjeçarit me inicialet R.K., banues në Kavajë.
Në lagjen Nr.1, Durrës, rreth orës 03:00, gjatë kontrollit të ushtruar në automjetin tip Ford me targa BY 941 ZË, me drejtues shtetasin e mësipërm, poshtë sedijes së mjetit u gjet dhe u sekuestrua në cilësinë e provës materiale një sasi lënde narkotike e dyshuar e llojit Cannabis Sattiva. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Prodhimi dhe shitja e narkotikëve”.
