Interneti është çmendur nga lajmi se Frozen do të rikthehet në kinema me pjesën e saj të dytë. Filmi i animuar e ka konfirmuar edhe një herë suksesin e jashtëzakonshëm. Ndërkohë, është bërë publik trailer-i zyrtar i Frozen II.
Në videon e shkurtër duket Elsa, personazhi kryesor i filmit, e cila përpiqet të vrapojë mbi sipërfaqen e detit duke e kthyer ujin në akull në hapat që hedh. Motra e saj Anna, Olaf, njeriu simpatik i dëborës dhe Kristoff shfaqen gjithashtu në klip.
Filmi drejtohet nga Chris Buck dhe Jennifer Lee, të njëjtën që punuan edhe me Frozen I. Ky i fundit fitoi 876 milion dollarë dhe dy çmime Oscar. Njëri shkoi për filmin e animuar më të mirë dhe tjetri për këngën “Let It Go”.
Frozen u bazua në përrallën e Hans Christian Andersen, Mbretëresha e Akullt. Për të dytin shumë pak detaje janë bërë publike. Fansat bënë peticione të shumta për t’i gjetur Elsës një të dashur (femër), por nuk dihet nëse këto peticione do të kenë sukses.
Frozen II do të shfaqet në kinema në datën 22 nëntor në SHBA dhe MB. Në 26 dhjetor do të shkojë në Australi. Me siguri shumë shpejt këtyre dative do të jetë edhe në kinematë shqiptare./E.L
