Ndodh shpesh të hasni kafshë të ngordhura buzë rruge apo në ndonjë lagjie periferike, por kur kjo ndodh në qendër të një qyteti, situata nuk është edhe aq normale.
Qytetarët e Beratit denoncojnë në rrjetet sociale se si në sheshin qendror të qytetit muzeal, një nga më të preferuarit e këtij sezoni turistik prej turistëve të huaj, gjendet një qen i ngordhur që kundërmon erë.
Qeni ndodhet i shtrirë në sheshin që pasditeve shndërrohet në pikën qendrore të xhiros së qytetarëve dhe turistëve, shumë pranë institucioneve vendore.
Por me sa duket, asnjë prej këtyre institucioneve nuk është kujdesur ta largojë kafshën e ngordhur prej aty.
