Një makinë ka ‘fluturuar në ajër’ të dielën në mëngjes, duke përfunduar brenda një ndërtese dy katëshe në Kaliforni, menjëherë pasi shoferi u përplas me trafikndarësen e rrugës.
Ky aksident dha një pamje të pazakontë, ndërsa makina u shfaq në katin e dytë të një klinike dentare në Santa Ana, Kaliforni. Si pasojë e këtij aksidenti, dy persona pësuan lëndime të lehta.
Departamenti i Policisë në Santa Ana tha se makina po udhëtonte me një shpejtësi të lartë në momentin kur goditi pjesën qëndrore të rrugës.
Policia sqaroi se shoferi e pranoi se kishte përdorur substanca narkotike, ndërsa ka pranuar të trajtohet në një spital lokal.
