Ne e dimë se të gjesh imazhe futbollistësh në këtë pozicion është diçka shumë e vështirë. Ky soj njerëzish flasin më shumë me këmbë se me gojë, mendojnë me mendje, por vetëm për atë që duhet të bëjnë brenda fushës së blertë.
Duke pasur si pasion topin, futbollin, ata i janë përkushtuar kësaj loje magjike, që hipnotizon miliarda të tjerë, që e shohin nëpër stadiume, apo ekranet televizive. Vetë futbollistët nuk mbahen për shumë të zgjuar, sepse kanë bërë pak shkollë, edhe atë pa përqendrimin e duhur. Megjithatë, nuk ka rregull pa përjashtim. Duke gjurmuar, prestigjiozja spanjolle, “Marca”, ka gjetur tetë futbollistë, që luajnë akoma, ose ka pak që i kanë “varur këpucët në gozhdë”, të fotografuar me libër në dorë. Jo pa ironi, kjo renditje është quajtur “8 futbollistët, që e kanë festuar Ditën Botërore të Librit…” Ja cilët janë ata:
1-Ai që ka në dorë është një libër, që flet për klubin e tij. Ndoshta kjo ishte vetëm sa për t’u dukur, për të bërë një fotografi, sepse nuk e kemi parë kurrë Neymar me një libër të hapur në prehrin e tij.
2-Ju mund shihni Cristiano Ronaldon, që duket sikur po ndihmon të birin në detyrat e shtëpisë. Në mos qoftë kjo, të paktën e dimë se Cristiano ka përdorur duart e tij për të hapur një libër (dhe jo vetëm për t’u vënë xhel flokëve).
3-Athletic Club promovoi një nismë, ku tifozët rekomanduan libra për lojtarët.
4-Ky mund të jetë një prezantim, një akt reklamimi, ose një fushatë imazhi, por libri dhe Iniesta, gjithashtu, nuk kanë shumë pikëtakime me njëri-tjetrin.
5-Balotelli, rrugaç në fushë, kështu shfaqet edhe në këtë foto me libër në dorë. Ai paraqitet me hekur në dorë, duke hekurosur dhe “lexuar” biografinë e Zlatan Ibrahimovic.
6-Ibrahimoviç me një libër të Ronaldos (brazilianit), një prej idhujve të tij, në dorë. Vetëm se nuk mungon as posteri i “Fenomenit” në sfond.
7-Eric Abidal është një dijetar i vërtetë, nga të paktët (ish)futbollistë që duket se vërtet e gëzon kënaqësinë e leximit.
8-Arda Turan, që e do veten, lexon biografinë e tij. Sikur do të na thotë se çfarë duhet të bëjmë!
