Një foto e jashtëzakonshme e një fëmije me flamurin shqiptar, veshur me rrobat kombëtare, e cila daton ditën e pushtimit fashist të Shqipërisë, 7 prill 1939. Fotoja është shkrepur në Durrës, pikërisht në vatrën e parë të rezistencës antifashiste, (kujdes nuk ishin komunistë), dhe flamuri siç e shikoni është vetëm me shkabën dy krenore dhe pa yll, i cili më pas u vendos si heraldikë nga sistemi komunist në vitin 1945.
Fotoja është postuar në profilin e tij në facebook nga gazetari Roland Qafoku ndërkohë që poshtë saj ka vendosur edhe një shpjegim përkatës.
Postimi i plotë
Kjo është një foto që vjen dhe publikohet nga miku im Eugen Shehu. Është 7 prill 1939 dhe është shkrepur në qytetin e Durrësit. Nuk dihen rrethanat e imtësishme por një fotograf i gazetës “Kombi” ka fiksuar ne celluloid këtë fëmijë duke ngritur flamurin shqiptar ditën që Shqipëria u pushtua nga Italia fashiste. Ky xhest dhe ky veprim është më shumë se çdo armë e shkrepur ndaj fashistëve dhe ky fëmijë vlen që shteti dhe historianët ta identifikojënë dhe nëse është ende gjallë ta dekorojnë për këtë që ka bërë. Me një histori që ende e shkruajmë ndryshe, me gabime me dashje e padashje, me shtrembërime të qëllimta ose jo, kjo foto sa 1 mijë fjalë tregon se 7 prilli nuk ishte thjeshtë dita që mbreti Zog iku por edhe që shqiptarët me 800 mijë banorë bënë rezistencë ndaj shtetit burracak italian me 40 milionë banorë që zbuloi Shqipërinë e gjorë për ta pushtuar. Ky është një akt I jashtëzakonshëm por dhe fotoja gjithashtu. AJo konfirmon edhe faktet e fundit që përgjatë vijës bregdetare më datat 7,8,9 u vranë 700 ushtarë italianë nga rezistenca që bën shqiptarët me Abaz Kupin e Mujo Ulqinakun. Megjithatë kjo fotografi është emblem e asaj dite. Të shpresojmë ta gjejmë cili është ky fëmijë. Faleminderit Eugen!
