“Mirëmbra shqipe, jam në shtëpi. Ju dua shumë, faleminderit shumë. Unë jam shqiptare se unë jam dibrane dhe s’e di si i thoni në gjuhën letrare”.
Me këto fjalë, Bebe Rexha, shqiptarja me famë ndërkombëtare iu drejtua dje fansave shqiptarë që e ndoqën teksa këndonte live në sheshin Nënë Tereza.
Bebe Rexha ishte kujdesur edhe për detajet përmes të cilave, shprehu krenarinë e saj për origjinën shqiptare: Ajo performoi “Take me home” e veshur me ngjyrat e flamurit kombëtar kuq e zi.
Krahas Bebe Rexhës, i ftuar special i mbrëmjes ishte edhe DJ me famë ndërkombëtare Fatboy Slim, i cili miksoi disa nga hitet e tij më të njohura.
