Deputeti socialist Saimir Tahiri ka mbërritur në Kuvend, për në mbledhjen e Këshillit të Rregullores, Mandateve dhe Imunitetin, ku do të shqyrtohet sot kërkesa e Prokurorisë së Krimeve të Rënda për të autorizuar arrestimin ose heqjen e lirisë së tij në kuadrin e hetimeve për trafikun e drogës.
Tahiri i shoqëruar gjatë gjithë kohës nga mbështetësit i është afruar në këmbë Kryesisë së Kuvendit, ku shumë mbeshtetës i kanë thënë: Mos ki frikë o trim.
Vetë ish-ministri i Brendshëm, i iu është përgjigjur gazetarëve me një batutë tjetër, të tipit: S’keni durim të prisni pesë minuta.
Ndërkohë, deputetët e PS-së, anëtarë të këtij Këshilli, kanë hyrë në takim me Kryeministrin Edi Rama para marrjes së vendimit në orën 11:00. Anëtarët socialistë të Këshillit të Rregullores janë:
Gramoz Ruçi – kryetar, Klotilda Bushka, Bledar Çuçi, Vasilika Hysi, Ulsi Manja dhe anëtarë zëvendësues, Musa Ulqini dhe Besnik Baraj.
Anëtarë nga PD e LSI:
Eduard Halimi – anëtar (PD)
Gent Strazimiri – anëtar (PD)
Enkelejd Alibeaj – anëtar (PD)
Dhurata Çupi – anëtar (PD).
Nasip Naço – anëtar (LSI)
Anëtarët zëvendësues janë: Myslim Murrizi (PD), Bardh Spahia (PD), Luan Rama (LSI).
