Një grup kriminal mes tyre dhe disa shqiptarë, janë vendosur para drejtësisë britanike, teksa akuzohen se janë pjesë e rritjes dhe kultivimit të bimëve narkotike.
Sipas raportimeve, bëhet me dije se një fermë kanabisi është zbuluar nga policia britanike, në një vilë të pabanuar. Vila ishte modifikuar totalisht në atë mënyrë, që në të të rritej kanabisi.
Zyrtarët konfirmuan se kati i pestë përdorej për rritjen e një numri të konsiderueshëm të bimëve, të ndihmuar nga pajisje të kultivimit me vlerë gati 60,000 £. Rreth 502 bimësh narkotike, në fazat e hershme të rritjes, u gjetën në këtë fermë, shkruajnë mediat britanike. Nëse droga do të arrinte të shitej në tregun me pakicë, ajo mendohet se do të kapte një vlerë totale prej 1 milion paund.
Nga raportimet kati i tretë i banesës 5 katëshe është përdorur nga anëtarët e bandës si vend për të jetuar.Vetëm kreu i grupit, Samir Bagdadi nuk jetonte në atë banesë.
Tetë burra janë arrestuar nga autoritetet e policisë në vend, ndërsa shtatë prej tyre u përpoqën të fshiheshin. Samir Bagdadi, 53-vjeç konsiderohet të ketë një rol shumë të rëndësishëm në grup. Ai mendohet se është “koka e grupit” kriminal. Në një gjyq maratonë të mbajtur këtë javë, Bagdadi u dënua me 7 vjet burg.
Ndërsa, krahu i djathtë i Bagdadit, Anastas Bani, 28-vjeç, një emigrant i paligjshëm me origjinë shqiptare, u dënua me 42 muaj burgim.
Mësohet ndër të tjera se 6 anëtarët e tjerë të bandës, pesë prej tyre me origjinë shqiptare dhe një me kombësi të përbashkët greke/shqiptare, janë burgosur më parë në periudha të ndryshme midis dhjetë dhe 33 muaj për rolin e tyre në zinxhirin e grupit kriminal./Opinion.al
