Nuredin Dumani është shpallur në kërkim nga policia për vrasjen e Bujar Çelës në orët e para të mëngjesi të 17 shtatorit në Elbasan.
37-vjeçari dyshohet se është pikërisht ai, personi që qëlloi mbi vëllain e Talo Çelës, një nga personat më të kërkuar nga autoritetet për momentin.
Por kjo nuk është hera e parë që Nuredin Dumani shpallet në kërkim. Ai aktualisht kërkohej nga policia për dy ngjarje të tjera kriminale të ndodhur këtë vit në mars dhe në prill.
Nuredin Dumani dyshohet për vrasjen e Dorjan Shkozës dhe Anxhelo Avdylit më 2 mars 2020 dhe dy vëllezërve nga Puka, Besmir dhe Viktor Haxhia në 27 prill 2020.
Për këto vrasje në kërkim është dhe Talo Çela, i cili së bashku me Nuredin Dumanin përmenden në dëshminë e të arrestuarit për atentatin e vëllezërve Haxhia, Klevis Alla.
Po ashtu Dumani, ka rezultuar të jetë i përfshirë në një rrjet prostitucioni, grupi i të cilit u shkatërrua në vitin 2018. Por pavarësisht se policia nxitoi të arrestonte Nuredin Dumanin, gjatë hetimeve nuk u provuan akuzat dhe për pasojë ai shumë shpejt doli nga burgu. /Opinion.al
