Një ngjarje e turpshme ka ndodhur sot, në ditën e festës së Bajramit, në Prishtinë. Pas faljes së namazit të Fiter Bajramit hajdutët e kanë thyer një xhami në lagjën Tophane.
Disa dëshmitarë i thanë gazetës “Zëri.info”, se kur kanë shkuar për ta falur namazin e xhumasë e kanë gjetur të hapur derën e Xhamisë.
Aty janë gjetur sende të forta të cilat besohet se janë përdorur për të thyer një kasafortë ku lihen para për mirëmabjtjen e Xhamisë.
“Zëri.info”, mëson se nga kasaforta janë vjedhur një shumë e parash që ishin lënë nga besimtarët.
Po ashtu janë vërejtur edhe disa dëme të vogla materiale brenda Xhamisë të cilat dyshohet se janë shkaktuar nga hajdutët në përpjekjet e tyre për të gjetur diçka me vlerë.
