Amerika Qendrore është përfshirë nga uragani “Eta”, cili ka shkaktuar dhjetëra viktima dhe dëme të mëdha materiale. Mësohet se si pasojë e motit të keq, 63 persona kanë humbur jetën, ndërsa një numër i madh personash rezultojnë të zhdukur
Më shumë se 50 persona humbën jetën në zonat periferike, në Guatemalën veriore për shkak të rrëshqitjeve të dheut, shkaktuar nga stuhia. Ndërkohë 5 persona humbën jetën në Panama, katër në Hondura, dy në Kosta Rika dhe dy në Nikaragua.
Këto janë viktimat e konfirmuara zyrtarisht, ndërkohë vijon puna për gjetjen e personave të cilët rezultojnë të zhdukur. Ndërkohë, pritet që ditët në vijim uragani të kalojë në Kubë, Xhamajkë dhe Florida./ Opinion.al
