Kjo javë ka nisur me trafik tejet të rënduar në Tiranë. Rrugët më problematike kanë qenë ato rreth Qendres, si “Myslym Shyri”, Rruga e Kavajës, Rruga e Elbasanit, Unaza e Vogël nga Taivani deri tek Ura e Tabakëve.
Fotot e shkrepura nga Opinion.al sot në intervalin kohor 08:00-09:00 tregojnë më së miri kaosin në rrugët e Tiranës.
Ajo ç’ka u vihet re është prezenca e madhe e policëve rrugorë ne kryqëzime, kjo me gjasë e mosfunksionimit të semaforëve.
Po kështu një shkak tjetër duket se është bllokimi i Qendrës për shkak të një aktiviteti që ka kryetari i Bashkisë Erion Veliaj sot në orën 10:00.
Të gjitha mjetet që ishin drejtuar në Qender janë devijuar në unazë duke shkaktuar edhe bllokimin total të këtyre akseve. Situata paraqitet krej normale në rrugët pertej Unazës së Vogël të Tiranës. /Opinion.al
*Më poshtë foto të trafikut mëngjesin e sotëm në Tiranë
