Qyteti i Tiranës mëngjesin e sotëm është zgjuar i mbuluar nga mjegulla e dendur. E njëjta situatë ka qenë edhe në rrethinat e kryeqytetit. Kjo situatë ka vështirësuar qarkullimin e mjeteve.
Mjegulla ka qenë e dendur në orët e para të mëngjesit, por me kalimin e orëve ka ardhur duke u shpërndarë.
Sa i takon parashikimit të motit për ditën e sotme pjesa më e madhe e territorit shqiptar do të paraqitet me kthjellime dhe vranësira të lehta gjatë paradites por vranësira të herë pas hershme do ketë në zonat malore.
Në fakt pas mesditës parashikohet që vranësirat të largohen drejt kufirit lindor duke bërë që kthjellimet të jenë mbizotëruese në pjesën më të madhe të vendit.
Për shkak të mjegullës, policia apelon për qarkullim të kujdesshëm për të shmangur aksidentet.
