Ish-modelja e “Playboy”, Slobodanka Tosiç, është dënuar me 2 vite e 6 muaj burg për shkak se u shpall fajtore për bashkëpunim në një tentativë vrasje ndaj një bosi të mafias.
Ish-Mis Bosnja kishte bashkëpunuar me të dashurin e saj, Darko Elez, për t’i ngritur pritë ish-it të saj, një bosi mafieje të njohur si Djordje Zdrale, për ta eliminuar fizikisht, por përpjekja ka dështuar.
Zdrale menjëherë e ka denoncuar bukuroshen 29-vjeçare, ndërsa policia arriti të arrestonte pas një operacioni të gjerë të quajtur “Kukulla”, ku përveç saj, në pranga përfunduan edhe 30 të tjerë.
Tosiç, që ka lindur në Bosnje, ka pasur një karrierë të suksesshme në fushën e modës, por lidhja e saj me disa nga “kokat” e mafias në Ballkan, bëri që të marrë famë për tjetër gjë.
