Sot pasdite në 19:30 nis koncerti në Sheshin Skenderbej, aktivitet ky i organizuar nga Bashkia me rastin e përfundimit të punimeve. Kryebashkiaku Veliaj ka publikuar foto nga provat që po bëhen për koncertin që drejtohet nga regjisori Pali Kuke.
“Në skenë do të ngjiten kostume nga e gjithë Shqipëria, këngë edhe valle nga e gjithë Shqipëria, që çdo qytetar, e çdo shqiptar, të ndihet i përfaqësuar në skenën e hapjes së Sheshit “Skënderbej”, u shpreh Veliaj.
Por, festa nuk mbaron sonte, për një javë rresht do të luhet muzikë në shesh. Të dielën në mbrëmje do të kemi “Tre Musketierët”, me muzikë rok, kurse gjatë ditëve në vijim me muzikë moderne, për t’u siguruar që të gjithë të kenë mundësi ta shijojnë Sheshin “Skënderbej”, jo vetëm si një hapësirë fizike, por edhe si hapësirë kulturore”, tha kryebashkiaku.
Pjesët që luhen sonte janë nga Kori i Teatrit Kombëtar të Operas dhe Baletit e deri te Ansambli i Rugovës. “Fragment nga Eposi i Kreshnikëve”, “Himni Kombëtar”, “Valle e Tiranës”, “Valle e Ansamblit Folklorik të Rugovës”, “Këngë arbëreshe”, “Orkestrale e Mirditës”, etj.
