Sot është një ditë e veçantë në familjen Hoxha, pasi vajza e madhe, Lori feston ditë lindjen e saj të 23. Jemi mësuar tani më me traditën e tyre për të organizuar festa të medha që shpesh zgjasin më shumë se një ditë. Megjithatë për këtë duhet të presim fundjavën. Lori Hoxha ka shpërndarë në Snapchat urimin emocionues që i ka bërë motra shtatëzan, Sara. Që në fillim të letrës, zbulojmë se Sara i thërret motrën me përkëdheli me emrin “Lorush”. Mesa duket vajzat fjalët e bukura tingëllojnë më mirë në anglisht për to, ndërkohë që mund të lexoni më poshtë se çfarë ka shkruar Sara në shqip.”
“Gëzuar ditëlindjen Lorush! Të dua më shumë seç mund ta imagjinosh. Ti do jesh gjithnjë bebja ime e preferuar edhe pse unë jam më e vogël në moshë. Ta dish se do të jem gjithnjë aty për të të kritikuar për të gjithë ushqimet kimikate që fut në trup. Këtë vit ti je rritur aq shumë dhe je bërë kjo vajzë e mrekullueshme që je tani, duke ditur se çfarë kërkon dhe çfarë inspiron të marrësh nga jeta. Ne të gjithë jemi shumë krenarë për ty dhe jemi shumë të lumtur që do të jemi pjesë e rrugëtimit tënd të bukur…” – ka përfunduar urimi me doza humori dhe krenarie nga Sara.
