Kryeministri në largim, Isa Mustafa ka dënuar sulmin e mbrëmshëm ndaj gazetares Arbana Xharra, e cila tashmë është anëtarja më të re të Partisë Demokratike të Kosovës.
“Sulmi mbi Arbana Xharrën është akt i ulët dhe i turpshëm. Kryerësit duhet të sillen para drejtësisë”, ka shkruar Mustafa në profilin e tij në Facebook.
Xharra është rrahur mbrëmë brutalisht nga persona akoma të panjohur, pas kthimit nga një intervistë që pati në njërin nga televizionet në Shqipëri.
Persona të panjohur e kanë sulmuar Arbana Xharrën në një parking të Prishtinës, pranë shtëpisë së saj. Një muaj më parë gazetarja u kërcënua nga ekstremistë fetarë, që vizatuan mbi muret e shtëpisë së saj kryqe me bojë të kuqe. Pak ditë më parë, gazetarja u anëtarësua me PDK.
