Është shembur manastiri mbi 400-vjeçar i Shën Athanasit në Leshnicën e Poshtme, objekt i kategorisë së parë, i mbrojtur nga shteti.
Kisha është e tipit bazilike me një kupolë dhe mbishkrimi në hyrje të tempullit daton nga viti 1797, por banorët vendas këmbëngulin që kjo datë përkon me rindërtimin e dytë dhe se tempulli është shumë më i vjetër.
Brenda manastirit muret ishin të zbukuruara me ikona të rrallë që përfaqësojnë një mrekulli të paçmuar kulturore, ndërsa në pjesën veriore të tempullit, ishin ndërtuar qeliza në të cilat jetonin murgjit.
Banorët denoncojnë se institucionet shtetërore ishin vënë në dijeni muaj më parë, se objekti mbi 400-vjeçar rrezikonte shembjen, por sipas tyre, preferuan ta mbajnë të fshehur për shkak të fushatës elektorale.
Fotot i ka bërë publike ish-drejtori i Muzeut Historik Kombëtar, Melsi Labi.
Ministria e Kulturës e cila tashmë gjendet në fushatë, jo shumë larg zonës ku ndodhet kisha hesht për këtë situatë të rëndë që ndodh me objektet e kategorise se vecante te trashegimise.
