Drake është një nga emrat që ka marrë pjesë në festivalin “Coachella”, megjithatë përfshirja e tij nuk është se ka qenë një nga eksperiencat më të mira të mundshme.
Reperi ka akuzuar stafin e “The Madison Club” në Kaliforni për diskriminim racor. Duket se vendi në të cilin ai është akomoduar nuk i ka pëlqyer.
Në një postim në Instagram, Drake shkruan:
“Vendi më fyes në të cilin kam qëndruar në gjithë jetën time, pasi stafi përgjegjës e zgjedh përmes profilizimit racor personin që do të akomodojë”.
Duket se reperi ka hasur në diskriminim nga ana e stafit organizues, gjë që ka bërë që ai të shpërthejë në një revoltë të tillë.
“Madison Club” është konsideruar gjithnjë si parajsa e personave të pasur dhe të famshëm. Drake e vizitoi këtë vend gjatë tri ditëve të fundjavës ku u zhvillua dhe festivali “Coachella”. Ai ka qenë një nga këngëtarët e ardhur në minutë të fundit si i ftuar surprizë dhe performoi mbrëmjen e së shtunës.
