Policia e Shtetit ka sekuestruar 80 predha luftarake të artilerisë së rëndë që ndodheshin në tunelet e Qafshtamës.
Predhat janë gjetur në hyrje të tunelit nr 2 të Qafshtamës në fshatin Selic të rrethit të Matit.
Me t’u dhënë informacioni, policia ka shkuar në vendngjarje, ku ka konstatuar 60 predha të kalibrit 12mm dhe 20 predha me madhësi 30 cm.
Sipas policisë, ky tunel ka qenë i bllokuar që pas ngjarjeve të vitit 1997, por si pasojë e erozionit, tuneli është hapur, ku në hyrjen e tij kishin dalë në sipërfaqe predhat luftarake.
Mësohet se predhat janë sekuestruar në vendngjarje nga ana e policisë dhe u janë dorëzuar, e lënë në ruajtje Policisë Ushtarake.
