Përcillet sot për në banesën e fundit shkrimtari i madh shqiptar, Ismail Kadare, i cili u nda nga jeta të hënën në moshën 88-vjeçare.
Në nder të Kadaresë, qeveria shpalli dy ditë zie kombëtare, 2 dhe 3 korrikun, ndërsa në kujtim të shkrimtarit sot do të mbahet një ceremoni zyrtare mortore dhe më pas do të përcillet për në banesën e fundit në Tufinë.
Ashtu siç u bë e ditur, prej gati 1 orë e 30 minuta kanë nisur në Teatrin Kombëtar të Operës dhe Baletit homazhet publike për Kadarenë, ndërsa në orën 11:30 nis ceremonia shtetërore dhe në orën 12:30 nis kortezhi për përcjelljen në varreza.
Mes familjarëve, dashamirësve të artit të tij, ka pasur dhe figura të rëndësishme të politikës që kanë nderuar shkrimtarin. Mes shumë figurave ishte dhe ministrja për Marrëdhëniet me Parlamentin, Elisa Spiropali, Lulzim Basha, ilir Meta por dhe shumë personazhe të tjera.
