Autoritetet shqiptare në bashkëpunim me ato italiane kanë ndaluar sot një tjetër gomone, e cila ishte e ngarkuar me 15 pako të mëdha me kanabis. Policia bën me dije se mjeti lundrues është ndjekur për më shumë se 4 orë nga Guardia di Finanza dhe Policia Kufitare, deri në momentin e ndalimit, 16 milje larg bregut shqiptar.
Dy italianë dhe një i ri shqiptar janë ndalur bashkë me ngarkesën dhe mjetin, që arrinte një gjatësi prej 10 metrash dhe ishte i pajisur me 2 motorrë, 135 kf. E.T, 22 vjeç, nga Vlora dhe dy italianët, G.T, 42 vjeç dhe A.M, 41 vjeç janë tashmë të arrestuar, ndërkohë që pako e mëdha të kanabisit janë gjetur në det.
