Personi në foto është Leonard Luzi, 47-vjeçari që u arrestua në Spanjë për llogari të Interpol Tiranës dhe pritet që të bëhet ekstradimi i tij në Shqipëri.
ishte shpallur në kërkim për organizimin e vrasjes së Inez Hajrullës dhe Evis Matodashajt, një krim që u parandalua.
Luzi, i cili njihet me pseudonimin “Daku” është një emër i njohur për policinë, pasi ka lidhje të forta me eksponentë të krimit.
Ai është edhe shoku i Amarildo Nikollit, i cili ndodhet në burg. Nikolli dyshohet të jetë pajtuar si vrasës me pagesë, me precedentë të mëparshëm edhe në Itali.
Vrasja Ervis Matodashaj dhe Inez Hajrulla dështoi sepse në gusht të 2023, në orën 12:47, në lagjen “Uji Ftohtë”, policia ka ndaluar për kontroll vrasësin, Amarildo Nikollin dhe i ka gjetur me vete armët me të cilat do të kryente krimin.
Pikërisht në atë ditë, 7 gusht 2023 ishte gati për të vrarë Ervis Matodashaj dhe Inez Hajrullën. Atij iu gjetën një arsenal armësh, më konkretisht një pistoletë e markës Pietro Beretta, Mod 92 FS, cal.9, me një silenciator, me karikator të mbushur me 14 (katërmbëdhjetë) fishekë, të kalibrit 9 mm, si dhe një fishek i futur në folenë e qitjes.
Pas prangosjes, Nikolli bashkëpunoi me autoritetet duke përfituar dhe statusin e të penduarit të drejtësisë.
Ndërsa në ditët në vijim pritet që autoritetet spanjolle ta ekstradojnë shqiptarin në drejtim të Shqipërisë.
