Dy armë dhe shenja të konsumit të kokainës u gjetën në banesën në një pallat në Astir, pas denoncimit të kryer nga e reja që tha se ishte rrëmbyer dhe dhunuar nga disa persona.
Është bërë publike një foto nga tavolina brenda këtij apartamenti, ku ishin lënë dy pistoletat. Ndër të tjera aty shihen mbetje të konsumit të kokainës, cigare dhe pije alkoolike.
Sipas policisë raportohet se armët u gjetën në banesën ngjitur me apartamentin e vajzës.
Ditën e sotme, Policia e Tiranës bëri me dije se e reja është mbajtur e mbyllur në banesë nga 5 persona të cilët janë shpallur në kërkim, mes tyre edhe i dashuri i vajzës, person me precedent të mëparshëm penal.
