Alexander Soros, djali i multimiliarderit amerikan George Soros po qendron prej tre ditësh në Tiranë. Më herët ai na ka treguar në Instagram se ka takuar zyrtarë të bashkisë, ndërsa sot njofton për një takim me Kryeministrin e vendit Edi Rama.
“Ishte e mrekullueshme të takoja kryeministrin vizionar Edi Rama në Tiranë, në zyrën e tij unike. Më e veçanta e një kreu qeverie. Çfarë duhet të presim më pak nga një artist bashkëkohor, shkrimtar dhe ish-lojtar profesionist i basketbollit!” shkruan Alex Soros në Instagram.
Në asnjë rresht nuk flitet për qëllimin e kësaj vizite në Tiranë. Kujtojmë se ai ishte më parë në Serbi ku takoi Presidentin Vuçiç dhe përshkrimin për të e bën ndryshe: “Kënaqësi që u prita në Serbi nga presidenti Aleksandar Vuçiç dhe diskutuam mënyrat për të rritur partneritetin në funksionin të ingerimit në BE të Serbisë”. Pra në Serbi është folur për integrimin, po në Shqipëri?!
Ndërkohë veç këtyre postimeve në faqen e Alex në Instagram asnjë zyrtar shqiptar, përfshirë kryeministrin nuk e ka bërë publik takimin me djalin e Sorosit./Opinion.al
