Në faqen zyrtare të Policisë së Shtetit në facebook jemi mësuar të gjejmë njoftime për ngjarje kriminale por sot ka ndodhur ndryshe. Me një foto, ku shfaqet një punonjëse policie simpatike, policia kësaj radhe ka treguar anën e saj humane. “Kjo do të jetë një rubrikë e përditshme”, tha zëdhënësi i Policisë Gentian Mullaj, “ku çdo ditë të publikohen foto dhe profile të atyre që punojnë çdo ditë për rendin e qetësinë në vend”.
Më poshtë statusi i plotë në rrjetet sociale:
“Mirëmëngjes nga Policia e Shtetit!
Unë jam Silva Binaj, 29 vjeçe, punonjëse policie në Komisariatin Vlorë.
Jam punonjëse e Policisë së Shtetit prej 4 vitesh dhe aktualisht për sezonin turistik patrulloj në bregdet.
Për çdo emergjencë telefononi Policinë e Shtetit në numrin 112!”
