Katër persona mbetën të vrarë në orët e para të mëngjesit të së dielës gjatë një shkëmbi zjarri në Velipojë, ndërsa dy të tjerë mbetën të plagosur.
Ndërkohë, janë zbuluar fotot e katër viktimave, biznesmenit Kujtim Ferracaku 59 vjeç, pronar i hotel “Fantazia”, vëllezërve Xhovani dhe Edmond Gocaj 25 dhe 38 vjeç që kishin hotelin “Gocaj” dhe Myzerim Zenelit 20 vjeç, që e kapi një plumb në zemër dhe i mori jetën në vend.
Ky i fundit nuk kishte lidhje me konfliktin, por ndodhej në vendin e ngjarjes pasi kishte vetëm një ditë që ishte i punësuar. Nga përplasja me armë u plagosën Hasan Ferracaku, vëllai i biznesmenit që u vra dhe nipi i tij Elmedin Tyli.
Pasditen e sotme, policia njoftoi se ka arrestuar dy personat e plagosur si dhe ka shpallur në kërkim tre vëllezërit, Abedin, Shyqyri dhe Besar Verracaku, banues në fshatin Pulaj, të dyshuar si bashkautorë në krim.
Shkak për vrasjen e katër personave është bër konflikti që biznesmeni Ferracaku dhe Gocaj kishin për hapësirën e rërës përpara hoteleve për vendosjen e shezlongeve./ Opinion.al
