Ish-strategu i Shtëpisë së Bardhë, Steve Bannon, ishte në bordin e një jahti prej 28 milionë dollarësh në pronësi të një miliarderi kinez, kur u arrestua me akuza mashtrimi të enjten në mëngjes.
Anija 45.7 metra e gjatë ishte në Long Island Sound afër Westbrook, Connecticut, kur ish-strategu i Presidentit Trump u ndalua nga inspektorët e Shërbimit Postar të SHBA-së, raportoi Hartford Courant.
Jahti, Lady May, është në pronësi të Guo Wengui, një nga të arratisurit më të kërkuar të Kinës, i cili kërkohet në Pekin për mashtrime, shantazhe dhe akuza për ryshfet, sipas Washington Post.
Jahti i vitit 2014 doli në shitje në Prill në një publikim ku theksoheshin pajisjet e tij luksoze, si një bar i pajisur plotësisht në sallën kryesore, veshja e brendshme me mermer të bardhë dhe lis të zbardhur si edhe pesë dhomat e gjumit në formë suite. Anija një shpejtësi maksimale 22 milje në orë dhe mund të mbaj deri në 10 të ftuar dhe një ekuipazh prej tetë personash.
Jahti mbeti në West Beach në Westbrook pas arrestimit të Bannon me akuzat se ai fali donacionet nga fondi prej 25 milion dollarësh “We Build the Wall” për murin kufitar SHBA-Meksikë.
Bannon shërbeu si këshilltari kryesor i fushatës presidenciale të Trump dhe më vonë shërbeu si shefi strategjik i Shtëpisë së Bardhë. Ai u shkarkua nga Presidenti në Gusht 2017./ Opinion.al
