Aktorja dhe modelja e njohur indiane, Sara Khan ka festuar ditëlindjen mes njerëzve të saj më të dashur. Prania e tyre ka bërë që “Sadna” të emocionohet aq shumë sa të shpërthejë në lotë gëzimi.
Në llogarinë Instagram Sara ka falenderuar menaxherin e saj, vëllain dhe familjen të cilët kanë organizuar në perfeksion festën për të. Torta e ditëlindjes “Hello Kitty”, fotot dhe videot e shumta të realizuara për të e kanë bërë ditëlindjen e aktores së re akoma edhe më të veçantë.
I pranishëm në ditëlindjen e Sarës ka qenë edhe aktori Angad Hasija (Alek), të cilin ajo e konsideron si vëlla, pasi kanë një marrëdhënie të shkëlqyer sëbashku.
