Tuneli nënujor që do ta shkurtojë në mënyrë të konsiderueshme kohëzgjatjen e udhëtimit të automjeteve nga ana aziatike e Stambollit në anën evropiane, u hap dje në një ceremoni zyrtare, ku mori pjesë edhe presidenti turk, Recep Erdogan dhe kryeministri Binali Yildirim.
Tuneli i gjatë 3.34 kilometra që kalon nën det, do t’i lidhë dy kontinentet për herë të dytë nën ujë. Distanca e përgjithshme e tunelit do të jetë 5.4 kilometra, 3.34 nga të cilat do të jenë nën ujë.
Bashkë me qasje në rrugë, ky tunel do të jetë në total 14.6 kilometra i gjatë. Në pikën më të ulët, tuneli do të jetë 106.4 metra nën sipërfaqen e Ngushticës së Bosforit.
