Qindra refugjatë dhe emigrantë që ishin bllokuar në veri të Greqisë janë duke kaluar në Maqedoninë fqinje. Ata kënë ecur për orë të tëra në shi dhe më pas kanë kaluar lumin e ftohtë me fëmijë dhe valixhe në kokë. Ata kanë lënë kampin e mbipopulluar të Idomenit në përpjekje për të hyrë në tokën maqedonase, e cila është e rrethuar me polici.
Në skenat kaotike janë parë vetëm vullnetarët ndërkombëtarë që ndihmuan refugjatët të kalojnë lumin duke përdorur një litar për të mos rënë në rrjedhën e tij.
Më herët gjatë ditës, policia maqedonase kishte gjetur trupat e tre personave që mendohet të jetë emigrantët të mbytur gjatë tentativës për të kaluar lumin.
Kufiri i Maqedonisë ka qenë i mbyllur gjatë 10 ditëve të fundit, pas kufizimeve të tranzitit të vendosura nga vendet e BE-së.
Më shumë se 40,000 njerëz janë bllokuar në Greqi, pasi shtetet përgjatë asaj që njihet si “Rruga Ballkanike” kanë mbyllur kufijtë për emigrantët dhe refugjatët, duke bërë që ata të kërkojnë shtigje të rrezikshme. Rreth 14.000 persona janë vetëm në Idomeni në kushte tejet të vëshitra jetese.
Burimi: Times, përshtati: Opinion.al
