Partia Demokratike është mbledhur për të kujtuar dhe festuar 27 vjetorin e krijimit të saj dhe të ndryshimit të sistemit në vend.
Në këtë përvjetor kanë marrë pjesë disa nga figura e njohura e themelues të Partisë Demokratike, ish kryeministri Sali Berisha, Tritan Shehu, ish presidenti Bujar Nishani etj.
Pritja u zhvillua tek Pallati i Kongreseve, ku edhe u mbajt një kokteil për të ftuarit.
Në 27 vjetorin e themelimit të PD duket se kanë munguar të përjashtuarit nga Basha. Edhe pse figura me kontribut ne Partine Demokratike nuk kanë marrë pjesë as Jozefina Topalli, as Majlinda Bregu dhe as Astrit Patozi apo Arben Imami.
Në fjalën e tij Lulzim Basha ka thënë se çdo dhjetor mblidhemi për të kujtuar, qytetarët, intelektualët dhe për tu frymëzuar nga krijuesit e kësaj partie: “Ky është një përvjetor i trefishtë. Lëvizja e dhjetorit, pluralizmi politik, krijimi i PD janë përmendorja me e bukur e demokracisë se re shqiptare. Të lidhura pazgjidhshëmirt, qëndrojnë si përmendorja e kësaj gjeneze. Ne mblidhemi çdo vit për të kujtuar, qytetarët, intelektualët dhe për tu frymëzuar nga krijuesit e kësaj partie. Lëvizja e Dhjetorin dhe PD ka krijuar demokracinë. Krenare për të sotmen dhe të nesërmen. Ky dhjetor është ëhstë dhe nuk është si gjithë të tjerët. Eshtë sepse na mbledh gjithmonë për të kujtuar sfidat e mëdha të forcës tonë politike. Është si të tjerët kur kujtojmë me mall ata që nuk janë më. Azem Hajdarin, prijësin e kësaj force. Mirënjohje për themeluesit Selamin, Genc Rulin, Preç Zogajn, Besnik Mustafajn, Tritan Shehun, Genc Pollon, Aleksander Meksin etj. Nderimi dhe mirënjohja më e madhe do të jetë përherë për liderin e saj historik Sali Berishën, pa të cilin Partia Demokratike nuk do kishte shpirtin dhe forcën që ka patur përherë,” tha Basha.
Opinion.al ka siguruar disa foto nga kjo mbrëmje.
