Zona e Kemerovos në jugperëndim të Siberisë është mbuluar nga dëbora në ngjyrë të zezë. Pamjet e rralla kanë shokuar banorët, të cilët shpërndanë me shpejtësi fotot në rrjetet sociale.
Fotot, të cilat u bënë menjëherë virale flasin për një realitet të frikshëm. Ekspertët e mjedisit e lidhin situatën me ndotjen, madje pretendojnë se kjo është diçka e pritshme dhe aspak e habitshme duke marrë parasysh nivelin e ndotjes së ajrit në zonë.
Në zonën e Kemerovos operojnë industritë e minierave të qymyrit dhe emetimi i tymit të zi ka bërë që bora të kthehet në ngjyrë te zezë. Në këtë zonë ka gjithashtu pellgje të mbushura me qymyr, ndaj aktivistët, por dhe ekspertët kanë ngritur alarmin për shëndetin e banorëve, i cili rrezikohet ndjeshëm nga ndotja.
“Ka shumë pluhur qymyri në ajër gjatë gjithë kohës. Kur bie borë, ndotja bëhet e dukshme. Ju nuk mund ta shihni atë gjatë pjesës tjetër të vitit, por ndotja është në ajër”, thonë ekspertët.
Sipas “The Indipendent” zyrtarë të Bashkisë u akuzuan se po lyenin bojën me ngjyrë të bardhë dëborën, por ata kërkuan falje dhe pranuan problemin e vërtetë mjedisor.
Kujtojmë se kanceri, paraliza cerebrale te fëmijët, dhe shkalla e tuberkulozit në Kuzbass janë më të larta se në gjithë Rusinë e madhe./E.M
