Qindra persona kanë marrë pjesë në tubimin e thirrur pasditën e sotme nga Partia Socialiste e Kavajës në mbështetje të ish-kryetarit të Bashkisë, Elvis Rroshi.
Mësohet se tubimi është realizuar në sheshin kryesor të qytetit.
Rroshi dha dorëheqjen krejt papritur paraditën e sotme, pasi u zbulua se ai ishte dënuar për përdhunim në grup në Itali.
Ai tha se në moshën 16 vjeçare kishte marrë pjesë në një sherr dhe për këtë fakt ai ishte edhe dënuar. Por dëshmia e penalitetit, tregonte diçka krejt tjetër.
Pas përfundimit të tubimit të organizuar nga strukturat e PS-së së qytetit të Kavajës, ish kryetari i Bashkisë, Elvis Rroshi ka falendëruar përzemërsisht të gjithë pjesëmarrësit.
Postimi i plotë i Rroshit:
“Sheshi që më mbush zemrën plot!
Të marrësh mbështetjen e qytetit që je lindur dhe je rritur, në këtë formë që e mora sot, ishte momenti më i lumtur i viteve të mia në angazhim publik dhe më bëri të harroj çdo shigjetë që përpiqen të ngulin drejt meje”, shkruan Rroshi në facebook.
