Prezantuesja Einxhel Shkira ka “ngacmuar” ndjekësit me anë të një postimi në Instagram, postim në të cilin përfshihej edhe mikja e saj Alba Çobaj. Kjo e fundit nga ana e saj e ka ripostuar foton e tyre nga studion e “Top Show” (kur kanë qenë të ftuara) në të cilën shkruhej: “Ata flasin për në, kur s’na kanë përball sigurisht.”
Kjo shprehje për shumë ndoshta s’thotë asgjë, por në diçiturën e fotos, Einxhen ka cilësuar vetën dhe prezantuesen tjetër si “delet” e zeza të televizionit, kjo për faktin se ato gjithnjë kanë guxuar të sillen jashtë kornizave dhe të thonë të vërtetën. Për më tepër shkruan “shihemi së shpejti”.
Nuk dihet saktësisht se çfarë ka dashur ajo të thotë me këtë postim, por para pak ditësh emrin i saj u përfol nga burime pranë Top Channel si personazhi që do të zëvendësonte dyshen e opinionistevë Valeri dhe Sara Kapo në emisionin “Top Show”. Ky lajm u shua pa asnjë lloj reagimi ashtu siç dhe u përhap. Ndërkohë që opinionistët e rinj të emisionit u shpallën Albana Osmani, që prej vitesh punon në Top Media dhe Ervin Kurti, i cili gjithashtu punonte për emisionin në fjalë.
Na mbetet të presim një reagim publik nga dy prezantueset lidhur me “thumbin” që kanë hedhur.
